衰十一

提起犯罪，好多人即刻諗到殺人放火、偷扼擄騙、傷天害理嘅事。不過就算一個動作、做咗／冇做一啲事、一句說話、甚至一個念頭、一個思想、冇去教堂、冇守齋，即使唔影響他人，一樣可以係犯罪。基督教冇告解，只要真心悔改、祈禱就得，感覺上好似容易啲。天主教／東正教要搵神父辦告解，話畀佢知做過乜，求上主寬恕。（雖然實際上，好多教友上次辦告解，都唔知係幾多十年前嘅事）如果係唔小心、一時疏忽，講出嚟都好聽啲。但要親口話自己因為自私／貪心／咸濕／妒忌，特登做一件事，的確幾難啟齒。聽過有人話，有冇認真辦告解，係睇會唔會講到自己都唔好意思。相信好多人衰過嘅，又點止十一樣咁少。