吹水唔抹咀
殺人放火唔係個個會試,但呃人、扮嘢、口不對心,好多人(包括保羅自己)每日或多或少都唔知做幾多。有啲無傷大雅,淨係取個方便,有時卻利害攸關。語言偽術同說話技巧,往往係一線之差。廣東話「說謊」叫「講大話」,彷彿只係同大事有關。喺芝麻綠豆小事上「講細話」,係咪就冇問題?大人教小朋友要誠實,好可惜甚至連華盛頓斬櫻桃樹都可能係慌話一則。有篇令人痛心嘅文章指出,講大話係人類應有之惡,細路仔如果超過某個歲數都唔識,可能要懷疑係咪智商有問題。「是就說是,非就說非;其他多餘的便是出於邪惡」,真正做到嘅人,又有幾多?
沒有留言:
張貼留言