生前一丁

好多人都問，領咗洗係咪唔再拜祖先。的確，除咗祈禱，未必個個基督教／天主教徒肯燒衣上香。保羅自己，兩樣都會，希望佢哋收到嘅，唔係乳豬金銀，而係一份心。為亡者祈禱，都係想佢早登極樂。先人冇領洗，升天堂定落獄，真係上主至知。今時今日，冥鏹祭品花款越來越多，點心壽司、保健食品、甚至電腦手機。不過，與其燒副麻雀俾佢，不如在生陪佢打多四圈好過。